श्री मळाईदेवी शिक्षण संस्थेच्या स्थापनेनंतर मुलींसाठी स्वतंत्र शाळा असावी या हेतूने इ. स.1984 साली स्थापन झालेली श्रीमती प्रे. च. कन्याशाळा मलकापूर हे आपले विद्यालय आज विद्यार्थिनींच्या बौद्धिक विकासाबरोबर त्यांचा क्रीडात्मक, गुणात्मक, कलात्मक अर्थात सर्वांगीण विकास करण्यासाठी सातत्याने अग्रेसर आहे.

          एक नाविन्यपूर्ण उपक्रम राबवणारी  इयत्ता पाचवी ते आठवी शासकीय शिष्यवृत्ती, एन.एम. एम.एस व सारथी शिष्यवृत्ती, श्री मळाई शिष्यवृत्ती परीक्षा , चित्रकला एलिमेंटरी व इंटरमिजिएट, स्पीड मॅथ्स, इयत्ता दहावी एस.एस.सी बोर्ड परीक्षा, इतर सर्व स्पर्धा परीक्षेत उत्कृष्ट निकालाची परंपरा जोपासणारी व ॲथलेटिक्स, टेबल टेनिस, बुद्धिबळ, व्हॉलीबॉल, बॅडमिंटन व सायकलिंग इत्यादी वैयक्तिक व सांघिक खेळांचे तंत्रशुद्ध प्रशिक्षण देऊन विद्यार्थ्यांतील क्रीडात्मक गुणांचा विकास करून त्यांना शारीरिक दृष्ट्या सक्षम बनवणारी व आजच्या स्पर्धेच्या व डिजिटल युगात अध्यापन तंत्रात काळानुसार बदल करून स्मार्ट टीव्ही द्वारे अध्यापन करणारी आपली कन्याशाळा आज लोकांच्या पसंतीस उतरत आहे याचा आम्हाला सार्थ अभिमान आहे.

           विद्यार्थिनी सुरक्षिततेसाठी सी.सी.टीव्ही ची व्यवस्था, विद्यार्थिनींच्या भावनिक विकासासाठी मानसोपचार तज्ञ डॉ.शर्वरी बेलापुरे यांचे वेळोवेळी घेतले जाणारे समुपदेशन, उच्च प्रशिक्षित शिक्षक, शिक्षिका वृंद व भौतिक सुविधांसाठी श्री मळाईदेवी शिक्षण संस्था व विविध सेवाभावी संस्थांची बहुमोल स्वरूपात मिळणारी मदत यामुळे आमचे विद्यालय शाळा सिद्धि व SQAAF(शाळा गुणवत्ता मूल्यांकन आणि आश्वासन आराखडा) मध्ये अग्रेसर ठेवण्यात आम्हाला यश मिळत आहे.

       अलीकडे गेली दोन वर्ष एम.आय.टी अमेरिका द्वारा गुरुजी फाउंडेशन सांगली यांच्या सहकार्याने स्क्रॅच कोर्स द्वारे विद्यार्थिनींना कोड लँग्वेज द्वारे ॲनिमेशन स्टोरी तयार करण्याचे प्रशिक्षण दिले जात आहे याद्वारे विद्यार्थिनींच्या सर्जनशीलतेला वाव देण्याचा प्रयत्न केला जात आहे असून त्याला पालकांचा उत्तम प्रतिसाद मिळत आहे.

         वेबसाईटला भेट देऊन आपण आमच्या उपक्रमांना चांगला प्रतिसाद दिल्याबद्दल  आपले मनःपूर्वक धन्यवाद..

​

​

​